Ադրբեջանի և Վրաստանի միջև քաղաքական խնդիրներ չկան։ Այս մասին հայտարարել է Վրաստանի արտգործնախարար Գրիգոլ Վաշաձեն Ադրբեջանի ԱԳ ղեկավար Էլմար Մամեդյարովի հետ Թբիլիսիում կայացած բանակցություններից հետո։
«Մենք քննարկել ենք տնտեսական և հումանիտար հարցեր, քանի որ Ադրբեջանի և Վրաստանի միջև քաղաքական խնդիրներ չկան«», – Վաշաձեի խոսքերն է մեջբերում Новости-Грузия գործակալությունը։
«Ադրբեջանն իր գործողություններով ապացուցել է, որ Վրաստանի համար ռազմավարական գործընկեր է», – նշել է ԱԳ նախարարը։
Նա նաև հայտարարել է, որ հանդիպման ընթացքում ստորագրվել է 2009թ. համատեղ քաղաքական ծրագրերի մասին փաստաթուղթ։ Քննարկվել են նաև Վրաստանի վարչապետ Նիկոլոզ Գիլաուրիի և երկրի նախագահ Միխայիլ Սահակաշվիլիի՝ Ադրբեջան կատարելիք այցերի կազմակերպման հետ կապված հարցեր։
Ադրբեջանի արտգործնախարարը, իր հերթին, հաստատել է, որ քննարկումն ընթացել է միմիայն հումանիտար և տնտեսական հարցերի շրջանակներում։
«Ավելի լավ է լավ հարևաններ լինել, քան հարևանների համար խնդիրներ ստեղծել», – հավելել է Էլմար Մամեդյարովը։
No comments:
Post a Comment